Heillaóskir og ferðalög

Litla systir mín hún Brynja sem notar sama skónúmer og ég á 11 ára afmæli í dag og við Jensi óskum henni til hamingju með þennan áfanga. Einnig sendi ég baráttukveðjur til foreldra minna sem á þessari stundu búast við 16 hálfgelgjum í pizzu og twister.

Við Jens (ég er farin að segja þetta grunsamlega oft.. ætli það sé e-ð á milli okkar?) förum út á þriðjudaginn ásamt Daxa verkfræðingi og erum að deyja úr spenningi. Það er allt tilbúið, við eigum bara eftir að troða í bakpokann og kaupa okkur sólarvörn. Mér finnst leiðinlegt að Elín kemst ekki með í Gunnaheimsókn.
Það er sagt að sólarlag við Persaflóann sé guðdómlega fallegt. Það verður gaman að sjá hvort það slái Blásalasólarlagið út sem lætur mig sitja dreymna við gluggann löngum stundum!